Leonard Zhakata – Ndinyarewo Lyrics

Ndinyarewo Lyrics

Hama usandishora izwi kana kushora mhumhu wangu
Zvandinofunga hauzvizive
Saka usandishora izwi kana kushora mhumhu wangu
Zvandinofunga hauzvizive

Inga ndinokunyara wani ende ndinokukudza
Iwe
Chinokutadzisa kundinyarawo chiiko?
Iwe

Kunyarana shamwari chinhu chakanaka
Kukudzana hama inga rudadiso
Kuvenganawo hausi umbwende
Ende kunyarara hakusi kupusa

Ndinyarewo hama yangu ndinyarewo
Ndinyarewo kani, ndinyarewo
Ndinyarewo hama yangu ndinyarewo
Ndinyarewo kani, ndinyarewo
Ndinyarewo hama yangu ndinyarewo
Ndinyarewo kani, ndinyarewo

Kandiro kanoendawo kunobva kamwe shamwari
Kana ndichikunyarawo ndinyarewo kani
Kana ndakutadzira nditaurire hama
Kuti ndigokumbirawo ruregerero
Pane kundiwanzira hazvina kunaka
Nerimwe zuva richave dzerevende

Kunyarana shamwari chinhu chakanaka
Kukudzana hama inga rudadiso

Ndinyarewo hama yangu ndinyarewo
Ndinyarewo kani, ndinyarewo
Ndinyarewo hama yangu ndinyarewo
Ndinyarewo kani, ndinyarewo
Ndinyarewo hama yangu ndinyarewo
Ndinyarewo kani, ndinyarewo

Bvudzi rangu iri harina kumera pachiumbwa
Utori musoro une pfungwa dzakakwana
Saka usandishorawo pamafungiro ako
Iwe

Unoziva ungandipimawo iwe mupfungwa dzako
Ugondiona ndiri pasi petsoka dzako
Kana kundierawo sakanyama kepondo
Ugondiona ndigere muchanza chako
Asika chenjera kuzvinyepera shamwari
Iwe
Chenjera kushora mbodza neinokuzvimbira
Iwe

Kunyarana shamwari chinhu chakanaka
Kukudzana hama inga rudadiso

Ukashaiwa nyadzi kana kushaiwa rukudzo
Hauna chimiro pano panyika
Ukashaiwa nyadzi kana kushaiwa rukudzo
Hauna chimiro pano panyika
Ukashaiwa nyadzi kana kushaiwa rukudzo
Hauna chimiro pano panyika

Dai waiverengawo bhaibheri hama
Ndaikubvunza mubvunzo mumwe chete
Unoziva here nyaya yaDhavhidi naGoriyati?
Iwe
Saka usandishorawo pamafungiro ako
Iwe

Kunyarana shamwari chinhu chakanaka
Kukudzana hama inga rudadiso

Lyrics sourced via LRCLIB, contributed by its community.